An Nagoya Protocol on Access to Genetic Resources and the Fair and Equitable Sharing of Benefits Arising from their Utilization to the Convention on Biological Diversity, na midbid man bilang Nagoya Protocol on Access and Benefit Sharing (ABS) sarong pantabang na kasunduan kan 2010 sa 1992 Convention on Biological Diversity (CBD). Katuyuhan kaini na mapautob an saro sa tulong obheto kan CBD: an patas asin pantay paghiras kan mga pakinabang na hatod kan paggamit sa mga henetikong rekurso, sa siring makakontribwir sa pagpangataman asin sustenable paggamit kan biyodibersidad. Nagpaluwas ini nin mga obligasyon sa mga kakontratang grupo na maggibo nin mga lakdang mapadapit sa akses sa mga hegenetikong rekurso, paghiras nin pakinabang, asin pag-utob.
Inaprubaran an protocol kan 29 Oktubre 2010 sa Nagoya, Japan asin nagkapwersa kan 12 October 2014. Kan Oktubre 2020 ratipikado na ini nin 128 na grupo, na binalihan nin 127 na myembrong estado kan UN and the European Union.
May mga ipinaabot na paghandal na an mga idinagdag na burukrasya asin lehislasyon pwedeng makaraot sa pagmonitor asin pagkolekta nin biodibersidad, sa konserbasyon, sa internasyunal na simbag sa mga nakakaulakit na hilang, asin sa mga pag-adal.[1][2]
© MMXXIII Rich X Search. We shall prevail. All rights reserved. Rich X Search